Nabowat
Lesson Eight
Q1. Paighamabaron ka aanaa kiyon zaroori hai?
Ans. Allah aham sifaat main se aik sifat Hikmaat hai, jiska matlab yeh hai ke Allah ko’ee bhi kaam baghair maqsad aur daleel ke anjaam nahi deta. Chunaanche Allah ney itni bardi dunya bana’ee saari ka’enaat ko paida kiya, ham insaano ko tamam ikhteyaraat aur ne’matain din, yeh saari cheezain baghair kisi maqsad aur hadaf ke nahi ho saktin.
Chunaanche wo maqsad jiske liyeh Allah nain itni beshumaar ne’matain hamain din yeh hai ki insaan Allah ki bargah main nazdeek ho sake aur dunya main ziyada se ziyada taraqqi aur kaamyaabi hasil kare aur khush haal ho.
Lekin ham insaan ke paas itni bardi aur azeem kaamyaabi hasil karne ke liye itna ilm aur jaankaari nahi hai. Insaan ab tak bohot saari taraqqi hasil ki hai lekin abhi bhi bohot saari haqeeqatain uske aage majhool aur naa maaloom hai. Agar ham ghor karain to Hamain mahsoos hoga ke Mazhab-e-Islam kis zamane se tezi se aage bardh raha he. Zamana Islam se barsaha baras piche chal raha hai. Misal ke tor par jin batoon ko aaj ka insaan abhi poori tarhan se samajh nahi paya hai wo Islam nai Sadiyon pahle bata diya. Aur Islam ki baaz hidayaton ki ahmiyat aaj insaan ke samajh main aa’ee hai. Iski adana si misal Suwar ke gosht ki hai, aaj danishwaron yeh baat sabit ki hai ki is main mojood jaraseem ko marne ke liye kam az kam 1000 degree tak paani main hararat hona zaroori hai. Chunanche iske zariyeh phali howi bimari H1N1 se aaj sakrdo log halak howe. Aur pata nahi kitne nuqsanaat hain, jintak Science ki rasa’ee nahi ho pa’ee hai. Isi tarhan Islam ke saare qawaneen hain.
Lehaza ab Allah ki Hikmat ka taqaza yeh hai ki wo hamare liye ko’ee aisa intezam kare jis ke zariya hamaari zindagi ka safar apne maqsad tak pohonch sake. Isi zariya aur Allah aur Insaano ke dirmiyan rabte ko Paighambar kahte hain. Agar Allah kisi paighambar ya Rasool ko hamari hidayat ke liye na bheji to To ham kabhi zindagi ke maqsad tak nahi pohonch pa’ainge.
Na sirf jehel se chutkare ke liya balke paighambaron ka aana isliyeh bhi zaroori hai ke wo hamain zindagi ke usool aur akhlaqi aqadaar sikha’ain. Baghair Allah ke bhaije howe akhlaqi usool ke insaan ki zindagi naqis aur be maqsad. Insaano nain zindagi ke bohot saare usool banaye lekin wo sab naqis hain. Kiyon ki insaan jo bhi usool ya qanoon banayega wo apne mahdood maaloomaat ke pesh-e-nazar hi banayega. Mahdood maaloomaat ke zariye abadi zindagi ke liyeh qanoon nahi ta’y kiye jasakte.
Lehaza hamari Akhlaqi, Dini, aur Ijtema’ee zindagi ka saliqa bayan karne ke liye Allah ki janib se kisi Rasool aur Paighambar ka aanaa zaroori hai. Aur agar aisa na ho to Allah Hakim nahi hoga.
Q2. Rasool kitne tarhan ke hote hain?
Ans. Allah nain ham insaano ke liye 2 tarhan ke rasool bana’ey hain:
1. Rasool-e-Baatin: Insaan ki Aql hai.
2. Rasool-e-Zahir: Allah ke bhaije howe rasool aur paighambar.
Q3. Kiya hamari aql hamain rasool se be niyaz nahi karti?
Ans. Hargiz nahi, Allah nain hamain yaqeenan aql jaisi azeem ne’mat ata ki hai. Lekin hamari aql saari haqiqaton ko dark nahi kar sakti hai. Bohot saari haqiqatain aur zindagin zarooratian aisi hai jinhain aaj 14 so saal baad bhi nahi samajh paayaa. Aur jo kuch abhi samjha wo kaamyaabi aur taraqqi ke liye kuch bhi nahi hai.
Paighambar Aur Qanoon
Lesson Nine
Q1. Sab se achcha qanoon banane wala kon hai?
Ans. Har dor aur zamane main insaano ke aik barde tabqe nai yeh koshish ki Allah ke muqable main ko’ee doosr aur ghair-e-ilahi qanoon pesh karain. Lekin unke qawaneen ki khasiyat yeh hai ke agar aik cheez ko fa’eda pohnchate hai to doosri cheez ko nuqsaan. Aur aisa qanoon sab ideal aur misali qanoon nahi ban sakta. Ideal aur misali qanoon wo hai jismain zindagi ke tamam pahlo’on ke lehaz rakha gaya ho aur wo kahin se bhi nuqsaan aur tabahi ka sabab na bane aur insaan uspar amal karke taraqqi aur kaamyaabi ki taraf bardhe. Aisa qanoon wohi bana sakta hai jo insaan ko har e’tebar se jaanta ho aur use har cheez ka ilm aur jaankaari ho.
Neez yeh bhi zaroori hai ke qanoon banane wala insaaf ka khayak rakhe qanoon aise bana’ey jo jis main kisi khaas rishtedaari aur millat daari ka khayaal na rakha ho balke uski nazar main sab barabar ho. Qanoon banane wala na kisi se nadeek ho ke usey uska ki qurbat ka khayaal aa’ey aur naa hi kisi se uski ko’ee zaati adawat ho ke uske sabab kisi ko nuqsaan pohnchane ki gharaz se qanoon bana’ey. Balke qanoon saaz sabke liye barab aur yak saan ho.
Q2. Achche qanoon guzaar ki shartain kis main pa’ee jaati hain?
Ans. Aisa qanoon guzar siwa’eh Allah ke aur ko’ee nahi ho sakta. Kiyon wo har cheez kaa jaanne wala bhi hai, Na kisi se uski ko’ee rishte daari hai aur na kisi se uski ko’ee zaati dushmani. Uske liye sab barabar aur yak saan hain. Aur usi ka bana’ey howa qanoon par amal kar ke insaan dunya aur aakherat ki taraqqi paa sakta hai.
Q3. Nabowat aur Tawheed main kiya rabt hai?
Ans. Nabi us zaat ka naam hai jo Allah aur uske bandon ke darmiyaan bridge aur pul ka kaam karta hai. Nabi Allah ki janib se insaano ke liye qanoon aur zindagi ka saliqa lekar aataa hai. Agar nabi na ho to Insaan Allah ke bheje howe qanoon ke Hasil nahi kar sakta hai.
Mo’jeza aus Ismat
Lesson Ten
Q1. Nabi ko phchanne ke kitne rasste hain?
Ans. Nabi ko pahchanne ke do raaste hain:
1. Nabi ke paigham ki sadaqat.
2. Mo’jeza.
Q2. Mo’jeza kise kahte hain?
Ans. Mo’jeza us khariqul aada amal ko kahe hain jo nabowwat ke da’we ke saath ho, aur ko’ee doosra nabi jaise mo’jeza laane par qadir na ho.
Q3. Tamam Ambiya ka mo’jeza aik jaisa hai ya un main farq hai?
Ans. Tamam Nabiyon ka mo’jeza yaksaan nahi hai, balke Allah nain har Nabi ko alag-alag mo’jeza diya hai.
Q4. Har Nabi ka mo’jeza alag kiyon hai?
Ans. Sab se achcha mo’jeza us mo’jeze ko kahte hain jo nabi ke zamane ke ra’eg fun main sab se behtar ho aur us jaisa ko’ee laa na sakey. kiyon ke har Nabi ke zamane main ra’eg fun bhi doosre zamane se alag raha hai. Is liye Allah nain Apne paighambaron ko aisa mo’jeza diya hai, jiske zariye wo Apne zamane ke funkaaron ko yaqeen dila sakain ke yeh ko’ee sikha howa fun nahi hai balke Allah ka diya howa aik mo’jeza hai. Chunanche Janab-e-Musa (a.s) ke zamane main Jadoogari ka fun urooj par tha, Allah nain unhain aisa mo’jeza diya jiske zariye unhon nain jadoogaron ka fun be-asar kar diya aur phir use daikh kar wo foran sar ba-sojood hokar Iman le’aaye. Isi tarha Janab-e-Eesa (a.s) ke daor main ilm-e-tib ka fun bohot ra’eg tha, Allah nain unhain laa-ilaag bimaariyon ke ilaag ka mo’jeza diya, aur Nabi Akram Hazrat Mohammad Mustafa (s.a.w) ke zamane main She’r-o-Adab ka bolbaalaa tha aur sha’eri Arab ke bashidon ke liye ba’es-e-Ghoroor-o-Iftekhar thi, Allah Apne Rasool ko Quran jaisa azeem mo’jeza diya, aisa kalam ke jisse qabl na aisa Kalam kabhi kisi nain dekha tha ya suna tha. Is kalam nain aisa ukna ghoroor torda hai ke jiske baad wo apne kalam ko daikh kar sharmane lage. Isi wajah Allah nain har Nabi ko zamane ke fun ke mutabiq mo’jeza ata kiya.
Q5. Paighambar-e-Islam ka sab es behtareen aur abadi mo’jeza konasa mo’jeza hai?
Ans. Paighambar-e-Islam ko Allah nain bohot saare mo’jeze diye the lekin un main sey sab se aham aur paidaar mo’jeza Quran-e-Majeed hai.
Q6. Quran kin e’tebaar se mo’jeza hai?
Ans. Quran ta qayam-e-Qayamat, tamam qomon ke liye aik abadi aur aafaaqi mo’jeza aur jawab hai. Is kitab ko jis pahloo se dekha jaye, uska e’jaaz har rukh se Islam ki haqqaniyat ki daleel hai. Chunanche zail main chand pahloo qabil-e-ghor hain:
1. Ilm e’tebaar se.
2. Ghaibi khabron ke e’tebaar se.
3. Matalib ki manzar kashi ke e’tebaar se.
4. Iktelaaf no hone ke e’tebaar se.
5. A’alaa ma’arif ke bayan ke e’tebaar se.
Q7. Ismat kiya hai aur masoom kise kahte hain?
Ans. Ismat us ilaahi mansab ko kahte hain jo Allah ki taraf se uske khaas aur chuninda bandon ko milta hai, aur is mansab ka paane waala har tarha ke gunah, khat aur nisyaan se mahfooz rahta hai. Aur jis ko yeh ohda milta hai use maasoom kahte hain.
Q8.Kiya Ismat nabi ke ikteyaar ke salb kar leti hai?
Ans. Hargiz nahi, Ismat dar asl gunahon ki pasti aur aaloodgi se aashna’ee ka ba’es hoti hai, aur uske sabab maasoom gunahon se khud ko baaz rakhta hai. Jis tarha aik dactor kabhi bhi naali ka bahta paani pine ke liye hazir nahi hota hai kiyon ke usey us ki aaloodgi ka ilm aur ehsaas hai, isi tarha Nabi bhi gunahon ki haqeeqat aur pasti ko jaanta hai aur uska khayal bhi kabhi apne zahen main nahi laata hai.
